السبت، 18 فبراير 2012

البريفكشن لله وحده

"البس الشوز يا حماااادة"

" عايز واحد فيتوتشيني ألفريدو .. وزود عليه اكسترا تشيز .. و فرينش فرايز والدرينك يكون كولا .. بليز"
"أنا كان عندي مييتنج في الشغل وبعدين عملت برنت للسي في ورحت انترفيو.. والراجل اتكلم معايا فيالكاريير بلان والباكيدج وبعدين قال لي هنرد عليك في إس ام إس أوmail.."
" أيوة يا مان .. وانت نازل هاتلي الجاكت  وفي جيبه الموبايل وشنطة اللاب توب اللي فوق الفريزر اللي فيالليفينج.. وأنا هعدي علي السوبر ماركت أجيب شامبو وكونديشينر ..وأعدي علي الدراي كلين  أجيب البلوفر وبقية اللبس... بيس؟؟"
صلوا عالنبي يا جدعان.. 
أنا في إحدي مناقشاتي مع صديقي كنا بنتكلم عن موضوع الكتابة بما يسمي "الفرانكو آراب" .. وحصل جدال طويل .. وأنا كان رأيي في النهاية باختصار:
 إن أي واحد يغير لغته ويتكلم لغة ناس تانيين يبقي عيّل سيس و طفلة الحشرة ..

ييجي واحد يقول لي يا واد يا فتح الباب (أو يا فتحي.. أو يا فاتح.. أو يا فتحتح.. أو يا فتّوح.. أو يا باب.. أو يا أُكرة.. أو يا أوبن زا دوور أو يا دوور أو يا اوبن): طيب ما هو اللغة وسيلة للتفاهم.. وبما إني بكلم واحد تاني بألفاظ أو كتابة هو فاهمها .. يبقي بيس و نو بروبليم.. سواء كانت الألفاظ أو الكتابة دي بالعربي أو بالإنجليزي أو بالهندي أو بلغة الواك واك.. 
وهو ده بيت القصيد.. 
يا جدعان كل الناس اللي بتفهم في العالم عارفه إن اللغة مش مجرد وسيلة لنقل الأفكار.. اللغة ليها جوانب كتير جداً أهم كتير من كونها أداة لنقل الأفكار.. اللغة وعاء لحفظ كل مكونات الإنسان الدينية و الإجتماعية و الأخلاقية و التاريخية.. والإنسان اللي بيفرّط في لغته بيخلع نفسه من حاجات كتير قوي أكبر من مجرد حروف و كلمات..
وأنا هتكلم في جانب واحد علي سبيل المثال .. علاقة اللغة بالأخلاق ..

لا شك إن اللغة مرتبطة جداً بنفسية الإنسان و مشاعره.. و الكلمة الواحدة مش بيبقي ليها نفس المعني عند كل بني آدم .. لكن وقعها عليه بيكون مرتبط بنفسيته و تجاربه و خبراته ..يعني مثلا.. كلمة (أبو تريكة) لما يسمعها واحد أهلاوي بتبعث في نفسه شعور بالفخر و الإنتصار و الرأس المرفوعة و فحت المنافسين.. ولما نفس الكلمة (أبو تريكة) بيسمعها واحد زملكاوي بتلاقي نفسيته علي طول بقت عامله زي نفسية هتلر بعد ما اتفحت في الحرب العالمية.. دي شيء لا إرادي بيحصل لأن الكلمة بترتبط بنفسية الإنسان ..واللغة بالطريقة دي مع الوقت بتأثر و بتتأثر بكل قيم المجتمع و أخلاقه.. وهضرب لحضرتكم كام مثل..

(1)
يعني العرب عندهم أسماء مختلفة للعم و الخال..
الإنجليز عندهم الإتنين بمعني واحد
Uncle
العرب عندهم أسماء لإبن العم و ابن الخال .. والإنجليز عندهم الإتنين اسمهم
Cousin
فالعرب بتهتم بالعائلة أو القرابة و بالتالي لغتها لازم تحمل المعاني دي..

(2)
الإنجليز شعب مادي شوية.. فبتلاقي المادية دي بتظهر في لغتهم بشكل واضح جداً .. فعلي سبيل المثال:
لما واحد إنجليزي بيعوز يزور حد بيقول:
Pay him a visit
يعني أدفعله زياره.. ولما بيحب يشكر حد بيقول:
I owe you thanks
يعني عليا دين ليك.. لازم أشكرك.. لما بيحب يرد لحد جميل بيقول:
How can I pay you back?
يعني إزاي أدفعلك اللي انت عملته .. ولما بيقضي وقت بيقول:
Spent my time
يعني أنفقت وقتي ..
وهكذا.. فبتلاقي لغته بتحمل قيمه المادية .. و بعدين بتأثر فيها..

(3)
العرب ناس عاطفيين و حبّيبة.. فبتلاقي عندهم أسامي كتير للحب.. منها:

الحب.. العشق.. الهوي.. الغرام..  الهيام.. التتيّم.. الصبابة.. الجوي.. الكَلَف.. الصبوة.. الشغف.. الوجد.. السدم.. التباريح.. الخلابة.. الشجو..الوصب.. اللهف.. الود.. الوله.. الخلة.. 
وعشرات الأسماء الأخري (وعشرات بجد مش مبالغة
علي حين إن فيه لغات أخري اختزلت الحب بحيث إن كلمة "يمارس الحب" في اللغات دي بقت كلمة عيب..


(4)
اللغة الإنجليزية مثلا ً لغة مباشرة فيما يتعلق بالعورة و الأمور الجنسية .. لكن لغة العرب دايما ًبتكنّي عن الأمور دي بحاجات غير مباشرة مراعاة للحشمة والأدب و الخصوصية.. فبتلاقي مثلاً العلاقة الجنسية عند العرب بيعبروا عنها بطرق كتيرة زي:
 مس امرأته
أتي أهله
وقد أفضي بعضكم إلي بعض
فاعتزلو النساء

فاللغة بتتأثر أولاً بخلق الحياء اللي موجود عند شعب معين.. وبعدين بتأثر في الشعب ده و بتكون وعاء لحفظ الخلق ده ..

(5)
اللغة بتتأثر و تأثر في رقي الإنسان و رقة مشاعره.. زي ما بيحكوا إن شاعر اسمه (علي بن الجهم) راح يمدح الخليفة المتوكل.. وكان راجل بدوي جاي من الصحرا و نزل رشق علي قصر الخليفة.. فقام يمدحه فقال له:

أنت كالكلب في وفائك للعهد
وكالتيس في اقتراع الخطوب

فالناس قالت يا نهار أبيض.. إيه المدح اللي زي وشك ده.. إمشي إنجر من هنا.. فالخليفة قال لهم: بلاش تطردوه.. خلّوه يعيش في بغداد شهر ويرجع لي تاني (وطبعا بغداد وقتها كانت عاصمة الدنيا.. مليانه بالحدائق و المساجد و البحيرات و والأسواق.. كانت بغداد يعني العلم و الفن و الحضارة و الجمال).. فرجع بعد شهر بيقول قصيدة في منتهي الجمال:

عيون المها بين الرصافة والجسرِ
جلبن الهوي من حيث أدري و لا أدري..
خليليّ ما أحلي الهوي و أمره
وأعرفني بالحلو منه وبالمرّ

وبيقول فيها بيكلم حبيبته:

صِليه لعل الوصل يحييه واعلمي
بأن أسير الحب في أعظم الأسرِ


 شوفتوا الحلاوة و الجمال ..
كل دي أمثله وفيه غيرها أمثلة كتير جداً في فكرة إن اللغة بتتشكل مع أخلاق البشر.. وبعدين هي نفسها بتشكل أخلاقهم..

وبعدين نقطة علي جنب.. هو ليه واحد يقول كلمة
meeting
مع إنه ممكن يقول اجتماع..

لأنه (في بعض الحالات طبعا مش في كل الحالات) بيكون حاسس بالنقص.. بيقول في قرارة نفسه: أنا ناقص و سيس عشان كده هتكلم بلغة ناس متقدمين عشان يحترموني..

انتوا عارفين إن الصورة اتقلبت.. زمان في أيام المجد الحضاري بتاعنا كان الواد الأسباني أو الإنجليزي لما بيحب يبان ابن ناس و متعلم تعليم نضيف بيقول كلمات عربية في وسط كلامه..

عشان كده هتلاقي آلاف الألفاظ الأسبانية أصلها عربي..
http://en.wikipedia.org/wiki/Arabic_influence_on_the_Spanish_language
وكتير من الألفاظ الإنجليزية أصلها عربي
http://en.wikipedia.org/wiki/List_of_Arabic_loanwords_in_English

إيييييييه.. دنيا ملهاش أمان!


وكل ده عن علاقة اللغة بالأخلاق.. والأهم من كده علاقتها بالدين و التاريخ و ىالتقاليد.. والكلام يطول في الموضوع ده..

المهم إن كل الكلام الحلمنتيشي اللي أنا قلته ده عن إن اللغة بتأثر وبتتأثر بالأخلاق.. أجدادنا العظماء فهموه.. والإمام أبو منصور الثعالبي (توفي 430 للهجرة.. من ألف سنة!!) وهو أحد أئمة اللغة.. يقول في مقدمة كتابه (فقه اللغة وسر العربية):

((والإقبال على تفهمها من الديانة، إذ هي أداة العلم ومفتاح التفقه في الدين، وسبب إصلاح المعايش والمعاد. ثم هي لإحراز الفضائل، والاحتواء على المروءة وسائر أنواع المناقب، كالينبوع للماء، والزند للنار (( 
اللهم بلغت
اللهم فاشهد!
 احمد فتح الباب  

السبت، 11 فبراير 2012

عقلياً ولا .... واقعياً؟؟!!


كان في جملة كدا قالها النجم محمود ياسين لأحمد السقا في فيلم الجزيرة ..قال ... في بلدك تبيع حتة سلاح تبقى تاجر سلاح وضد القانون ,,, تبيع ألف تبقى وزير .... وده كان إسقاط على المشير أبو غزالة
للأسف أصبح الوضع الان .. في بلدك إنك لو قتلت واحد أو اثنين إعدام أو مؤبد أو سرقتلك سريقة أو اثنين تأخدلك كام سنة سجن ,,,, بس لو قتلت 900 واحد و سرقت 30 سنة في بلد كاملة و سيبتها عرضة لأصحابك اللي يسووا واللي ميسووش إن شاء الله هتاخد 3 شهور في قصر في شرم الشيخ وتُحاكم محاكمة هزلية عشان تاخد براءة
بقى الموضوع ماشي بالعكس كل ما ترتكب مصايب أكتر كل متعرف تخلع من أي مساألة بشرية كل متزود كل مايكون أحسن .. للأسف لما تيجي تفكر في الموضوع و تلاقيه فعلاً بالشكل ده تتصدم كل الفكرة إن احنا مش عارفين نفكر فيه كدا لإن احنا عايشينه و لو فكرنا شوية و لقينا كدا هنكره نفسنا لإنه ازاي احنا سكتنا لغاية ما وصل بينا الوضع لكدا.... يا رب ارحمنا يا رب
أنا دلوقتي بس عرفت ليه طنطاوي قاعد كل ده على قلبنا و عمال يقتل فينا أصلوا لقى نفسه فجأة قتل لاتنين أو تلاتة فقالك لأ خلاص أنا لبست و لازم أكمل المشوار للأخر عشان ميلبسش أحمر في الأخر كدة أأمن بكتير اقتل أكتر أصل المشكلة إن هو مش شايف مبارك بس اللي كدا أدينا شايفين كلنا حد ذي علي عبدالله صالح اللي في ناس كانت بتدورله على خروج أمن بردو (زي ناس عندنا كدا ) برغم اللي عمله في الشعب اليمني .... حاجة تقرف ولله :@
صوت العقل بيقول إن كل ماتعمل خطأ تحاسب عليه و كلما يزيد خطأك كلما تزيد عقوبتك لكن للأسف ..... صوت الواقع بيقول العكس

حوار بين 2 زملاء في كلية واحدة
الأول : سؤال مهم بغض النظر ان كل واحد شايف الاضراب هو الحل او مش هو الحل : انت مش هتنزل تحضر المحاضرة بكرة ليه؟؟؟
هتقول حاجة من الاتنين ياما مش نازل علشان اشارك فى الاعتصام المدنى ياما حداد على ارواح طلبة كلية هندسة اللى ماتوا فى الاحداث اللى فاتت.
1-
لو علشان تشارك فى الاعتصام المدنى فانت اصلا طالب يعنى معندكش فى الوقت الحالى انتاج علشان تمتنع عن تقديمه و مش هتشل اى حاجة فى عجلة الانتاج بتوقفك عن التعلم لمدة يوم ، الناس اللى هتعمل اعتصام مدنى ده اللى انتاجه بيأثر بشكل مباشر فى الاقتصاد و قد يكون غير مباشر بس فى النهاية انتاجه بيصب فى ايد اللى ماسكين السلطة، انت اقصى حاجة ممكن تشارك بيها فى الاعتصام ده انك ماتحولش تتكلم فى التليفون كتير اليوم ده ولا تشترى حاجة ولا تدفع مصاريف او رسوم حاجة ولا تركب مواصلات عامة.
2-
اما لو السبب حداد فاحنا طول عمرنا عارفين ان التعبير عن الحداد ظاهريا بيتم عن طريق ارتداء ملابس سوداء مش التوقف عن العمل زائد ان امتناعك عن العمل او التعلم مش هيقدم ولا هيأخر اى حاجة للناس اللى راحت، انما المفروض انك ماتضيعش اى يوم كان فيه فرصة انك تتعلم فيه لانك بدراستك يمكن تعوض شوية فى المستقبل المهندسين اللى احنا فقدناهم.

الثاني :  طب أنا عندي إقتراح جامد أوي ... مين هنا ممكن أقتله أخوه ولا أبوه ... و أنا معنديش مانع أعمل كدا لإنهم بيعيش عيشة حلوة أوي بعد كدا مدام اللي اتقتل ده من الثوار .... و نعمل لجنة تقصي حقائق و إنت تروح كليتك عادي خالص ولا كإن حاجة حصلت لإن إنت كدا كدا يا عيني عليك مش هتقدم ولا هتأخر ... اللي موافق يقول أنا معنديش أي مانع زي ماقلت!!!!

الأول ده صوت الواقع بالطريقة اللي احنا إتعودنا نعيشها من ناحية إن الحاجات د مش بتجيب همها و إن مفيش حاجة بتحصل و إن الحركة الطلابية لم تعد كما كانت من قبل في تأثيرها في الرأي العام ... أما الثاني ده هو صوت العقل إن هو مش قادر يحضر في مكان فيه واحد صاحبه كان بيبقى جانبه في المدرج ده و اتقتل غدراً و مجبش حقه لغاية دلوقتي والله اللي قبله جاب حقهم


صوت العقل ساعات بيبقى غريب على ناس متير أوي. وده للأسف عشان اللي بيفكر أكتر بيتعب أكتر و احنا بنحب نستسهل. عشان كده تقريبا الانسان في معظم الأوقات بيتصرف معتمدا على صوت الواقع في حالة تعرضه لموقف أكثر من مرة و كان التصرف ده دايما اللي بينفع وقتها. تقريبا صوت العقل ما كانش بيبان إلا في الحالات الفريدة من نوعها. إذا صوت الواقع مستمد من تجربة أو خبرة.و المصيبة الكبيرة إن التجربة اللي عشناها دي مانت كلها غلط في غلط و عكس صوت العقل لأننا عشنا في نظام وسخ تفشى فيه الجهل و الفساد في كل شيء حتى في بيتك. لازم عشان تعمل أي مصلحة, تعمل حاجة غلط ضد عقلك و مبادئك و تعاليم دينك...حاجة تقرف..و نيجي بعد ده كله و بعد ما خلصنا من النظام الوسخ اللي كنا عايشين فيه برضه ماشين بصوت الواقع اللي مليان بقذارة النظام السابق و شايفين إن ده الطبيعي عشان انت متعود على القذارة و معندكش مانع تعيش في قذارة أكتر لأنك اتعودت على كده. إحنا اللي ادينا الفرصة للمشير يعمل نفس اللي بيعمله مبارك و ده عشان الثورة لسه منضفتش عقولنا.
طبعا صوت الواقع ده عالي أوس اوي عند الجيل اللي عنده 50 سنة و انت طالع و بيقل الصوت ده وانت نازل. و هو ده صراع الأجيال اللي سببه ناس عاشت عيشة مرة أوي و كان هدفهم يربوا جيلنا كويس و لما تكبر تلاقي كل حاجة جاهزة ليك عشان تعيش كويس.و عشان كده فضل الجيل ده ماشي جنب الحيط طول حياته. (طبعا شكرا ليهم اوي على كل اللي عملوه معانا)  بس تفتكر ايه هي الخبرة اللي هتستمدها من الوقوف جنب الحيطة؟
أرجوك قبل ماتشوف أي موقف أو تتكلم فيه تنسى كل خبرتك و تتعامل غلى انك لسه عيل صغير ماتعرفش حاجة.على الأقل لما تغلط ساعتها هتاخد خبرة نضيفة.
علي صوت عقلك دايما و لو كلنا عملنا كده هتلاقي مصر بتنضف اوتوماتيك. العقل هو الحاجة الوحيدة اللي ميزنا ربنا بيها عن باقي المخلوقات. فمتلغيهوش.
و بالعقل.....مش عربية نقل!!!
الأخ عتمان

الجمعة، 10 فبراير 2012

photoshop

               أكتر حاجة بتضايقني هي إني أسمع حد بيقول تعبير خو مش فاهمه و يكون بس سمعه من الناس اللي حواليه فحب يستخدم نفس التعبير ده من غير ميفهمه عشان الناس تقول علسه بيفهم
عندك الكلمة اللي انتشرت في مصر بعد الثورة "فوتوشوب". الناس كلها بقت فاهمة جرافيكس خلاص و كله بيقول فوتوشوب و الصورة دي متركبة و الفيديو ده متعدل.

ده تنويه خاص بتعريف كلمة فوتوشوب:

فوتوشوب هو برنامج جرافيكس مختص بتعديل الصور و الرسم و التلوين و بعض الحاجات الثري دي (ثلاثية أبعاد يعني) و لكن غير قادر تماما على تعديل الفيديوهات ببساطة لأن شركة أدوبي عندها برامج تانية مختصة للحاجات دي و اسمها "أفتر إفكت" و "بيرميير"  دي هي البرامج اللي بتعمل البدع بالفيديوهات. تسألني ليه أدوبي متخليش فوتوشوب يعدل فيديو؟ أقولك عشان تشتري أفتر إفكت و بريميير. 

 esma7ooli akammel franco 3ashan a3raf ashra7 kwayyes..
           el 7agat elli bete3mel cartoon zai krombo we el kalam el faregh dah esmaha 3d software (barameg tholatheyyet ab3ad) zai 3ds max we maya we soft image. we photoshop beyo3tabar adah kwayyesa betsa3ed el barameg di fi tanfeez ba3d el 7agat fi el cartoon. 

     weg-het nazari enno ma7addesh yefti we ye2ool el video dah metrakkeb walla la2 ella el ash-khas elli daso fi el graphics we te3bo seneen 3ashan yefabreko videohat. mesh ay 7ad yetkallem we ye2ool photoshop. 3elm el graphics mesh 7aqeer ledaraget enn koll el nas tet3allemo. we yareet law 7ad shakek fi video ba3d keda aw soora yeshoof ara2 el nas elli 7awaleeh we ba3d keda yes2al wa7ed 3ando khebra abl mayerfa3 post 3ala facebook we ye2ool ennaha metrakkeba aw la2. 

   we bel3a2l.... mesh 3arabeyya na2l!!!!

السير فيروتشي

التحوير على النفس

بخصوص الناس اللي بيقولوا إنهم هيروحوا شغلهم يوم 11 فبراير عشان ميخربوش بلدهم. أنا عمري ما شفت حماسة للشغل كده. كانت فين الحماسة دي من زمان؟

       أكيد طبعا و بدون مناقشة, حزب الكنبة...آسف قصدي الناس الكبار اللي من سن أبويا و أبوك هما اللي هيروحوا الشغل. تعالى كده في يوم عادي قبل الثورة و روح طلع كارنيه الكلية بتاعك من شئون الطلبة. طبعا نص اللي بيقرأ الكلام ده دلوقتي بيشتمني عشان فكرتهم بأيام العذاب. روتين رويتن روتين. كان دايما بتوع شئون الطلبة يكفروك في عيشتك عشان تاخد حتة بلاستكة مالهاش أي تلاتين لزمة و عاملة زحمة في محفظتك على الفاضي. ده لو طلعتها في معادها أصلا.

    طب جرب كده روح مجمع التحرير و خد المنحة الدراسية بتاعتك (لو انت مغترب) أو روح جدد الباسبور بتاعك. قابلني لو لحقت معاد طيارتك. أو جرب خلي ابنك يروح مدرسته و يفهم حاجة من المدرس اللي دايما بيدي الحصة الأولى و التانية و بعد كده يمضي انصراف و يروح يشوف دروسه الخصوصية. أو روح كده بنك و اسحب فلوس ليك مثلا ووريني ازاي مش هتتخانق مع الموظف اللي بيديك الفلوس بسبب الروتين القذر اللي محطوط.
   مش دايما هم دول الناس اللي كانوا بيقولوا "أنا هخلي صاحبي يمضيلي حضور و انصراف وانا هقعد النهاردة في البيت" ؟ مش هما دول نفس الناس اللي بيطيروا من الفرحة لما يلاقوا المكتب بتاعهم مقفول عشان في مظاهرة أو إضراب عمالي جنب الشغل بتاعهم؟ و بعد كده النهاردة بيقنعوا نفسهم إنهم لو ماراحوش الشغل البلد هتبوظ. ما كانت كده كده بايظة بسببهم....ده بأه اسمه "التحوير على النفس"

  للأسف معظمنا بيحور على نفسه سواء كان ثوري أو كنبة أو إسلامي أو ليبرالي أو بتنجاني. و بقول معظمنا لأن في فعلا ناس صادقة و عندها ضمير. لأنك لو انت دكتور أو صيدلي لازم تنزل شغلك عشان شغلك متعلق بحياة ناس. مش مهم يجوعوا أو يعطشوا بس المهم يعيشوا. انا كنت طول عمري بكره الطب و الدكاترة لكن اللي شفته انا و الرفيق زناتي و الأخ عتمان في التحرير أجبرني على أني أحترم كل مهنة ليها علاقة بالطب.

   أما بالنسبة لأكتر ناس بتحور على نفسها هما الطلبة اللي عايزين يحضروا. الاضراب جاي في أول يوم للدراسة يعني مفيش سكاشن و مفيش مادة مفيدة تروح تذاكرها في البيت. غير انك بترغم الدكاترة انهم ياخدوا غياب و يحرموا ناس كتير هتضرب من درجة ممكن تكون هتفرق معاه في آخر السنة على النجاح. دول أكتر ناس بكرههم كره صريح لأنهم مبيفكروش غير في نفسهم. و كانوا دائما بيخربوا خطط الدفعات اللي بتتظلم من الدكتور. تلاقي دكتورين خدوا غياب في نفس المحاضرة و في نفس الوقت و لما الدفعة تتفق انهم مايحضروش للدكتور ده عشان ظلمهم, تلاقي اتنين أو تلاتة دحيحية حضروا بحجة انهم لقوا نفسهم فاضيين. ده طبعا غير المصايب اللي حصلت أيام أحداث محمد محمود و معظم الطلبة اتفقوا انهم مايحضروش امتحانات الميدتيرم و تلاقي كام واحد دحيح منفسن دخل و حضر. و ظلموا تلاتين واحد معاهم.

   ده اللي أنا متوقعه يحصل في يوم الإضراب. ناس طول عمرها ماشتغلوش في الأيام اللي كنا محتاجينهم يشتغلوا. هينزاوا يشتغلوا في الأيام الوحيدة اللي عازينهم فيها ميشتغلوش. و طلبة هتروح تحضر المحاضرات ولا كأن في بني آدمين بتضرب و بتهتف تحت القاعة. اللي أنا بقوله لكل الناس. متسكتوش على الفئة دي لأنها دائما هتكون عقبة في طريقكم لما تيجوا تتفقوا على حاجة. و ده انذار مني شخصيا لكل واحد هيحضر محاضرته. اللي هاشوفه بيحضر مش هسيبه في حاله و مش هخله يركز خالص و لو وصلت بيه الوقاحة انه يزعق هضربه. مفيش ديموقراطية في الاضراب. يا إما كله يشتغل يا إما كله مايشتغلش عشان يبقى في نتيجة.... وبالعقل....مش عربية نقل!!
   
 السير فيروتشي

الأربعاء، 8 فبراير 2012

From "Feed"



My profession owes a lot to Dr. Alexander Kellis, inventor of the misnamed "Kellis Flu" , and Amanda Amberlee, the first individual successfully infected with the modified filovirus that researchers dubbed, "marburg Amberlee" before them, blogging was something people thought should be done by bored teenagers talking about how depressed they were. Some folks used it to report on politics and the news. But the application was widely used as reservedfor conspiracy nuts and people whose opinions were too vitriolic for the mainstream. The blogosphere wasn't threatening the traditional news media. Not even as it started having a real place on the world stage. They thought of us as "Quaint". Then the zombies came and everything changed.
    The "Real" media was bound by rules and regulations while the bloggers were bound by nothing more than the speed of their typing. We were the first to report that people who had been pronounced dead were getting up and noshing on their relatives. We were the ones who stood up and said: "yes, there are zombies. And yes, they are killing people." While the rest of the world was still buzzing about the amazing act of eco-terrorism that released half tested "cure of the common cold" into the atmosphere. We were giving tips of self-defense when everybody else was barely beginning to admit that there might be a problem.
       The early network reports are preserved online over the protests of the media conglomerates they sue from time to time and get the reports taken down. But someone always puts them up again. We are never going to forget how badly we were betrayed. People died in the streets while news anchors bad jokes about people talking their zombie movies too seriously and showed footage they claimed depicted teenagers  "hoarsing around". In latex and bad stage makeup according to the time stamps on those reports. The first one aired the day Dr. Matras from the CDC violated national security to post details on the infection on his eleven-year-old daughter's blog twenty five years after the fact his words  simple bleak, and unforgiving against their background of happy teddy bears still send shivers down my spine. There was a war on, and the ones whose responsibility was to inform us wouldn't even admit that we were fighting it.
       But some people knew and screamed everything they understood across the internet. "Yes, the dead were rising" said the bloggers. They were attacking people, yes it was a virus and yes, there was a chance we might lose because by the time we understood what was going on. The whole damn world was infected the moment Dr. Kellis's cure hit the air. We had no choice but to fight. We fought as hard as we could. That is when the wall began. Every blogger who died during the summer of 2014 is preserved there from the politicos to t he soccer moms. We have taken there the last entries and collected them in one place to honor them and to remember what they paid for the truth. We still add people to the wall. Someday, I'll probably post Sean's name there along with some light-hearted last entry that ends with "See you later".
    Every method of killing a zombie was tested somewhere. A lot of the times the people who tested it died shortly afterwards. But they posted the results first. We learned what worked, what to do, and what to watch. For in the people around us, it was a crossroads. Revolution based on two simple precepts; survive however you could and report back whatever you learned because it might keep somebody else alive. They say that everything you ever needed to know you learned in kindergarten. What the world learned that summer was "Share".
     Things were different when the dust cleared. Some people might find it pretty to say "especially where the news was concerned" but if you ask me it is where the real change happened. People didn't trust regulated news anymore. They were confused and scared and they turned to the bloggers who might be unfiltered and full of shit but were fast, prolific, and allowed you to triangulate on the truth. Get your news from six or nine sources and you can usually tell the bullshit for the reality. If that's too much you can find a blogger who does your triangulation for you. You don't have to worry about another zombie invasion going un-reported because someone somewhere is putting it online.
     The blogging community divided into its current branches within a few years of the rising; reacting to swelling ranks and changing society. You have got newsies who report fact as untainted by opinion as we can manage on our cousins. The Stewarts who report opinion informed by fact the Irwins go out and harass danger to give the relatively housebound general populace a little thrill while their more sedate counterparts. The Aunties share stories of their leaves, recipes, and their snippets to keep people happy and relaxed and of course the fictionals who fill the online world with poetry, stories, and fantasy. They have a thousand branches all with their own names and customs. None of them meaning a damn thing to anyone who isn't a fictional, we are the all purpose opiate of the new millennium. We report the news. We make the news. And we give you a way to escape when the news becomes too much to handle.
         From images may disturb you
              The blog of Georgia Mason, august 6th 2039

Copied from the book "Feed", by Mira Grant 


السير فيروتشي

الثلاثاء، 7 فبراير 2012

الكيل بمكيالين

الكيل بمكيالين

الكيل بمكيالين هو انك تشوف موقف واحد بطريقتين مختلفتين. الطريقة الأولى هي انك تكون معاها لمجرد ان الموقف ده حصل من واحد انت بتحبه او من نفس تفكيرك أو تكون ضده برضه لمجرد انه طالع من شخص ليه طريقة تفكير غيرك او انت بتكرهه.
أمثلة على كده كلنا بنقع فيها ان امبارح في جلسة مجلس الشعب قام النائب السلفي ممدوح اسماعيل برفع آذان العصرفي وسط الجلسة. الموقف ده زعل ناس من فصائل غير اسلامية كتير لمجرد ان الراجل ده اسلامي وانك شايفه خروج عن النظام في مكان مفروض (المفروض يعني) إنه يكون منظم. مش مشكلة انك تزعل من ده....حقك. لكن المشكلة انك تنكر كل اللي في الجلسة :انه محصلش و تمسك في المشكلة دي. بالضبط بنيجي في الهايفة و نتصدر.
نفس البني آدم اللي فوق ده زعل جدا من موقف الإخوانجية لما شافوا النائب محمد أبو حامد بيرفع خرطوش (واحد فارغ و التاني مش مضروب) و انهم علقوا على إن النائب محمد أبو حامد جاب الخرطوش السليم ده منييييين؟ و كان بيقول على الإخوانجية دول إنهم برضه جم في الهايفة و اتصدروا. لأن القضية الأساسية هي أن الداخلية ضربت خرطوش بالفعل و الصور مالية النت. ده كيل بمكيالين.


مثال تاني: لما النائب محمد مصطفى اعترض على قول النائب محمد أبو حامد بأن الداخلية ضربت خرطوش و جاب دليل في جلسة أول امبارح بحجة "إن جاءكم فاسق بنيأ فتبينوا" و بعض النواب المنضمين لنفس تيار النائب محمد مصطفى سقفوا على كلامه ده. مع إن النائب محمد أبو حامد كان جاي بالدليل. المشكلة إن نفس النواب دول سقفوا على كلام مصطفى بكري اللي اتهم اتهام واضح لبعض الثوار انهم بلطجية و قابضين من العميل الأمريكاني (من وجهة نظره) الدكتور محمد البرادعي مع ان النائب المحترم مصطفى بكري لم يأت بدليل على ذلك. و في هذا عدم العمل بقول الله تعالى "إن جاءكم فاسق بنبأ فتبينوا"....ده الكيل بمكيالين.


مثال كمان: بعض الاسلاميين المحسوبين على تحالف النور يتهموا-بدون دليل- حركة 6 ابريل بالعمالة و تنفيذ اجندات خارجية. هنا ظلم واضح ل6 أبريل. برضه بعض أعضاء حركة 6 أبريل يتهمون تحالف النور و التيار السلفي بالعمالة و التمويل الخليجي. وده ظلم واضح للتيار السلفي.
هؤلاء المنتمين لتحالف النور يعدوا ما يقال عليهم من تمويل خليجي أنه ظلم....في نفس الوقت اللي هو بيتهم 6 ابريل بنفس التهمة الخايبة بدون دليل. و هؤلاء المنتمين لحركة 6 ابريل يعدوا ما يقال عليهم من تمويل و أجندات خارجية أنه ظلم و افتراء. في نفس الوقت اللي هو متهم ظلم في التمويل الخارجي.....ده الكيل بمكيالين.


 يعني انت معندكش عقل؟ فين المنطق؟ فين الحيادية؟ فين مخك اللي هاريه في كتب الكلية و امتحانات السودان؟ لحد امتى هتفضل واقف مع صاحبك في آراءه الغلط عشان مجرد انه صاحبك في نفس الوقت اللي بترفض فيه نفس الرأي من قريبك اللي بتتخنق منه لما يعدي عليك في البيت؟
الكيل بمكيالين مش بس ظلم للي قدامك. لكن ظلم لأسمى حاجة انت بتمتلكها كإنسان و اللي هو العقل. يعني انت لما بتكيل بمكيالين بتفقد من نفسك صفة الانسانية. و عندما تفقد هذه الصفة, فكر في الشيء الذي ستتحول اليه.
حاول لما تشوف موقف في حياتك, تنسى خالص انك تبع تيار او انك تعرف أي حد من أطراف الموقف. حاول تحط نفسك مكانه و تشوف انت هتفكر ازاي و لو معرفتش, شوف أنصار نفس الموقف و ردهم على ان ده اساءة ولا لأ وافهم وجهة نظرهم. دي المفروض (المفروض يعني)انها حاجة سهلة. و لو انت شايف انها صعبة يبقي أكيد أكيد انت مقرأتش عن وجهة نظره أصلا و مكونتش رأيك في انك ضده من نفسك و لكنك ماشي ورا قطيع. شوف بقى لما تلاقي نفسك ماشي في قطيع. فين انك انسان في كده؟
بالعقل....مش عربية نقل!!!!
                                                                                                               الأخ عتمان.

bel3a2l!!!





بالعقل, مش عربية نقل!!



ده المكان الوحيد اللي انا هكون فيه نفسي و أصحابي هيكونوا فيه نفسهم. انا زهقت من إني كل يوم اتفرج على التليفزيون و أشوف مصايب بتحصل في البلد دي و في العالم و برضه لو بيعترفوا بالمصيبة, بييجوا في الهايفة و بيتصدروا.

انا زهقت من إني مش شايف المشاكل بتتحل من جذورها...ببساطة عشان المجتمع اللي احنا فيه مبقاش مدرك ايه المصيبة أصلا.
حاولنا نعبر عن رأينا كشباب في فيسبوك و تويتر بس عايزين الكلام ده يفضل موجود لعل و عسى في يوم من الأيام بعد 100 سنة ناس تكون عايشة نفس الوضع بتاعنا و تستفيد من اللي عشنا فيه.
 
من خلال البلوج ده "بالعقل مش عربية نقل" الناس اللي بيفكروا زينا هيشكلوا إعلامهم الخاص. و كل بني آدم هيقرا الكلام ده هينضم لشبكة الإعلام دي. مش مهم البلوج ده فكرة مين و لا مين اللي بيشرف عليه و لا مين اللي بيكتب. احنا مجرد ناس متوسطين في الحالة المادية و الاجتماعية و عندنا حقايق و أفكار شايفين إن الناس لازم تفكر فيها يمكن تغير من حال البلد.
ناس ممكن تفتكر إن البلوج ده ممكن يكون مجرد صفحة غلى النت بيكتبوا فيها شباب مهزوم و محبط و بيعبر عن حزنه و أسفه إنه في بلد مش فاهمة قدراته لكن البلوج ده هو الحاجة الوحيدة في حياتنا اللي ما فيهاش كدب و مبنية على وجهات نظر اللي جاية من حقايق بعد تفكير منطقي من أكتر من توجه. 

المشكلة الكبيرة أوي اللي احنا عايشين فيها هو إن أي حد بقى يفهم في كل حاجة و كله بيقول أي حاجة و محدش فاهم حاجة. مثال على كده: "أصل الفيديو ده فوتوشوب...أصل الراجل ده ماسوني..أصل الإعلام ده امبريالي ليبرالي...أصل ده بلطجي...و مصر مش تونس... و بتوع 28 مش هما بتوع 25" الكلام ده حفظناه. احنا متأكدين 100% إنك عمرك ما جربت تكتب كلمة "ماسونية" في جوجل و تدوس على اللينك بتاع ويكيبيديا اللي بيعرف معنى الماسونية. و ماله لما تقرأ و تفهم؟ و ماله لما تفكر بعقلك مش ب.....؟

كل الهدف من اللي احنا عايزين نوصله للناس هو نعرفهم المعاني و الكلام اللي بيتكلموا بيه. عايزين نعلمكم ازاي متستسلموش لإعلام كله حاجة عبارة عن فيديو و صور. مفيش حد فينا متهم و القاضي هو ربنا و كلمة ليبرالي أو شيوعي أو علماني مش تهمة. و السلفي مش متخلف. خلينا على الحياد. احنا في الأول و في الآخر مصريين و عرب. و بالعقل مش عربية نقل.
نداء لكل اللي قرأ الكلام ده. مش هرخم عليك و أقولك "استحلفك بالله ان تنشر هذه المدونة" مبدئيل كلمة مدونة بتضايقني. المهم وصل الصوت ده للناس لو انت مقتنع بيه. لو انت شايف إن الكلام ده كان في قلبك و كان نفسك تقوله من زمان ابعته لصحابك و خليهم يقرأوا و يفهموا و اللي مش عاجبه كلامنا يرد علينا. احنا شباب زي بعض و كلنا هنحل مشاكل بعض واللي عنده حاجة مفيدة يقولنا و نكتبها يمكن تنفع حد في زمن تاني في مكان تاني.